Хитой томонларни Буюк Британиянинг ЕИдан чиқиши тўғрисидаги референдум натижаларига вазмин муносабатда бўлишга чақирди. Бу ҳақда, Bloomberg агентлигига асосланиб, «РБК» хабар бермоқда.
Пекиндаги брифингда чиқиш қилар экан, ХХР ТИВ вакили Хуа Чуньин барча томонлар ЕИнинг барқарорлиги ва бирлигини сақлаб қолишдан манфаатдор эканлигини таъкидлаб ўтди.
«ЕИдан чиқиш қарори барчага таъсир кўрсатади, лекин биз барча томонлар тинчланиб, вазиятга баҳо бериши лозимлигига аминмиз», — деди Чуньин хоним.
«Биз Британия халқининг танловини ҳурмат қиламиз ва Буюк Британия билан муносабатларимизни қадрлаймиз», — қўшимча қилиб ўтди у.
Изоҳ (0)