Tesla Motors компанияси (асосчиси ва бош директори — Илон Маск) қуёш энерготизимларини яратиш билан шуғулланадиган SolarCity компаниясини сотиб олишни таклиф қилди, деб ёзади «Vc.ru». Илон Маск ушбу энергетика компаниясининг ҳам энг йирик акциядори ва директорлар кенгаши раисидир.
Ўз аризасида Tesla Motors 2015 йил баҳорида тақдим этилган Powerwall ва Powerpack аккумулятор тизимларини тилга олди, улар хусусий фойдаланувчилар ва компанияларга янгиланувчи энергия манбалари афзалликларидан фойдаланиш имконини беради.
SolarCity’ни харид қилиш орқали, Tesla компания мижозларига ўз автомобилларини қувватлашда қуёш энергиясидан фойдаланишни таклиф эта олади. Энергетик компания эса ўз навбатида, ўз тизимларида Powerwall ва Powerpackни қўллаш имконига эга бўлади.
Потенциал харидор SolarCity акцияларининг ҳар бирига 26,5—28,5 доллардан нарх таклиф қилди, умумий олди-сотди суммаси 2,8 миллиард долларни ташкил этиши мумкин.
Айни пайтда SolarCity таклифни баҳолашга тайёрланмоқда. Қарорни акциядорлар қабул қилади.
Изоҳ (0)