Tesla Motors компанияси директорлар кенгаши раиси Илон Маск Tesla Model S автомобили Қозоғистоннинг Олмаота шаҳрида сув билан тўлган туннелдан кечиб ўтаётгани акс этган видео билан бўлишди, деб ёзади KNews.
«Биз буни тавсия этмаймиз, аммо Model S вақтинчалик қайиққа айланиш учун етарлича яхши сузмоқда. Ҳаракат айланиб турган ғилдираклар ёрдамида таъминланмоқда», — деб ёзди Илон Маск.
Изоҳлардан бирида у двигатель ва батареялар герметик эканлигини таъкидлади.
17 июнь, жума куни Олмаотадаги сув тошқини вақтида Tesla Model S ҳайдовчиси ушбу электромобилда тошқин остида қолган туннелда сувдан кечиб ўтаётгани акс этган видеони ҳайдовчининг дўсти YouTube’га жойлаган. Кадрларда сув автомобилнинг ён ойналаригача кўтарилганини кўриш мумкин.
Изоҳ (0)