Tesla Motors kompaniyasi (asoschisi va bosh direktori — Ilon Mask) quyosh energotizimlarini yaratish bilan shug‘ullanadigan SolarCity kompaniyasini sotib olishni taklif qildi, deb yozadi “Vc.ru”. Ilon Mask ushbu energetika kompaniyasining ham eng yirik aksiyadori va direktorlar kengashi raisidir.
O‘z arizasida Tesla Motors 2015-yil bahorida taqdim etilgan Powerwall va Powerpack akkumulyator tizimlarini tilga oldi, ular xususiy foydalanuvchilar va kompaniyalarga yangilanuvchi energiya manbalari afzalliklaridan foydalanish imkonini beradi.
SolarCity’ni xarid qilish orqali, Tesla kompaniya mijozlariga o‘z avtomobillarini quvvatlashda quyosh energiyasidan foydalanishni taklif eta oladi. Energetik kompaniya esa o‘z navbatida, o‘z tizimlarida Powerwall va Powerpackni qo‘llash imkoniga ega bo‘ladi.
Potensial xaridor SolarCity aksiyalarining har biriga 26,5—28,5 dollardan narx taklif qildi, umumiy oldi-sotdi summasi 2,8 milliard dollarni tashkil etishi mumkin.
Ayni paytda SolarCity taklifni baholashga tayyorlanmoqda. Qarorni aksiyadorlar qabul qiladi.
Izoh (0)