Давлат раҳбарларининг 10 та энг қимматбаҳо автомобили (фото)

Novate дунёнинг турли мамлакатлари раҳбарлари фойдаланадиган энг қиммат автомобиллар рейтингини эълон қилди.

1. Mercedes-Benz S600

Ҳиндистон бош вазири Нарендра Моди давлат аҳамиятига ишлар бўйича югур-югурлар учун Mercedes-Benz S600 автомобилини ишлатади. Унинг нархи 180 минг долларни ташкил этади. Машина чуқур модификациядан ўтган, хусусан, унинг ҳимояланганлик даражаси оширилган.

2. Mercedes-Benz W221

Филиппиннинг амалдаги президенти Бенигмо Акино III давлат эҳтиёжлари учун Mercedes-Benz W221’дан фойдаланади, унинг қиймати 250 минг долларга тенг. Автомобиль энг яхши двигателлдан бири, шунингдек, ноёб ғилдираклар ва бақувват тормозлар билан жиҳозланган.

3. Mercedes S-Class Limousine

Россия президенти Владимир Путин 2014 йилдан бошлаб, шундай автомобилда юради. У 251 минг доллар туради. Машинанинг ҳимоя тизими, хусусан, унинг зирҳ услуби алоҳида лойиҳа бўйича амалга оширилган.

4. Maybach 62

Малайзия бош вазири Нажиб Тун Раззоқ 394 минг долларлик автомобилда ҳаракатланади. Унинг зирҳланганлик даражаси оғир танкникидан ортиқроқ, дейиш мумкин.

5. Jaguar XJ Sentinel

Буюк Британия бош вазири Дэвид Кэмерон шундай «сипо» автомобилдан фойдаланади. 455 минг долларлик машинанинг ишончлилиги ва қулайлигига ҳавас қилса арзийди.

6. Maybach 62 Limousine

500 минг долларлик ушбу автомобилдан Таиланд қироли Пхумипон Адульядет фойдаланади. Мазкур премиум автомобиль бошқаларидан жуда кўп сонли кўнгилочар воситалари билан фарқланади.

7. Mercedes-Benz М-Class

Ушбу автомобилга ортиқча таъриф беришга ҳожат йўқ. Бу Рим папаларининг автомобилларидан бири. Баъзи бир шаффофликка қарамай, бу машина ҳайратланарли даражада яхши ҳимояланган. Бундай машинадан биттаси 524 минг долларга тушади.

8. Hongqi Limousine

Хитой Халқ Республикаси раиси Си Цзиньпин давлат ишлари учун шу автомобилдан фойдаланади. У дунёдаги энг яхши ҳимояланган ва, шу билан бирга, энг қимматбаҳо машиналардан биридир. Унинг нархи 801 минг долларга тенг.

9. Cadillac One

АҚШ президентлари қўлда йиғилган ва индивидуал лойиҳага кўра яратилган Cadillac One автомобилидан фойдаланди, унинг нархи 1,5 миллион долларни ташкил қилади.

10. Bentley State Limousine

Буюк Британиядаги қироллик оиласи, хусусан, қиролича Елизавета II давлат эҳтиёжлари учун шундай автомобилни ишлатади. Унинг нархи 1,51 миллион долларга тенг.