Rolls-Royce «люкс» тоифасидаги ўз-ўзини бошқарувчи 103EX концептини намойиш этди (фото ва видео)

Буюк Британиянинг Rolls-Royce компанияси 103EX концепт-кари мисолида ўз-ўзини бошқарувчи автомобиллар соҳасида нималар қилиши мумкинлигини намойиш этди. Бу ҳақда TJournal хабар бермоқда. 

Ҳали амалда йўқ 103EX электромобили атиги битта эшик ва вертикал кўтарилувчи томга эга.

Икки йўловчи салондаги Мадагаскар ёғочидан бўлган диванга жойлашиши ва Eleanor овозли ёрдамчиси ёрдамида бошқариладиган улкан LED-экранини томоша қилиши мумкин.

Агар уларнинг юки бўлса, ташқаридан очиладиган махсус бўлмага қўйиш таклиф этилмоқда. 

Rolls-Royce 103EX’ни ўзининг «илк визуал автомобили» деб атамоқда: бошқа компаниялар концептлари каби, унинг ҳам ишлаб чиқарилишига ҳеч қандай кафолат йўқ.

Rolls-Royce гарчи бошқа автомобиль компаниялари (транспорт корхоналари бўлмаган Google ва Uber’дан фарқли равишда) бу борада ҳозирча сукут сақлаётган бўлса-да, мазкур промо-акцияси билан ўз-ўзини бошқарувчи автомобиллар ривожидан манфаатдор эканлигини таъкидламоқда.

https://youtu.be/dGSm082ELXY