Берклидаги Калифорния университети муҳандиси Александр Ребен одамга игна ёрдамида оғриқ бера оладиган роботни лойиҳалаштирди, деб ёзади «Hi-tech.mail.ru».
У одамга ҳужум қила олиши учун, игна билан «қуроллантирилди». Роботнинг ўзи махсус платформага ўрнатилди, у ерда одам бармоғини қўйиши мумкин бўлган жой бор. Шундан сўнг тизим одамга зарба бериш ёки бермаслик ҳақида мустақил қарор қабул қилади.
Муаллиф роботни махсус алгоритм билан таъминлади, у ҳар сафар қачон зарба бериш бўйича тасодифий тарзда қарор қабул қилади.
Ўз ихтироси орқали, Александр Ребен айни пайтда робототехникада ахлоқий, фалсафий ва ҳуқуқий хусусиятга эга муаммолар борлигини кўрсатиб бермоқчи бўлди.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)