АҚШ миллий коинот агентлиги (NASA) 17 июнь, жума куни Вашингтондаги аэронавтика ва астронавтика институтида ўзининг электр самолёти нусхасини тақдим этди. Х-57 деб аталган ҳаво кемаси 2017 йилда илк парвозни амалга ошириши мумкин, дея хабар бермоқда «Ведомости».
Агентликдан ташқари, Tesla электромобиллари муваффақиятини такрорлаш истагида бўлган дунё саноати гигантлари ва бир неча авиакомпаниялар ҳам электр самолётлари ишлаб чиқиш билан шуғулланмоқда. Жумладан, Airbus ва Siemens апрелда ҳамкорликда авиация-коинот соҳаси учун электр ҳамда гибрид технологияларни яратиш учун 200 нафар муҳандис сафарбар этиш режасини эълон қилди. Boeing кўтарилиш учун реактив двигателлардан фойдаланадиган ва парвоз чоғида электр двигателларини қўллайдиган ҳаво кемаси нусхаси устида ишламоқда.
Маълумот учун, гарчи замонавий самолётлар 40 йил аввалгига қараганда ёқилғини 70% кам ишлатса-да, бу йил авиакомпаниялар 300 миллиард литр ёқилғи сарфлаши ва бунинг учун 127 миллиард доллар харажат қилиши кутилмоқда.
Изоҳ (0)