Асли тошкентлик, ҳозирда Россияда фаолият юритадиган актриса Равшана Куркова илк Instagram-ситком қаҳрамонига айланди, деб ёзади My Day.
16 июнь куни Play With Time Instagram-ситкомининг премьераси бўлиб ўтди, у вақтини беҳуда ўтказмасдан, ҳаётини ёрқин лаҳзалар билан тўлдирадиганлар ҳақида ҳикоя қилади.
Ситком Москва, Киев, Варшава ва Олмаотанинг дўстлар учрашадиган жойларида суратга олинди. Лойиҳага Давид Кочаров (Comedy Club Production) режиссёрлик қилди, Михаил Дегтярев («Вечерний Ургант») ва Роман Кантор сценарийнавислик қилди.
Янги эпизодларни ёз бўйи ҳафтасига уч марта махсус Instagram-каналда кўриш мумкин.
Равшана Матчонова (Куркова) 1980 йилда Тошкентда «Илҳом» театри актёри Баҳром Матчонов ва актриса Раъно Кубаева оиласида туғилган. У 35 дан ортиқ фильм ва сериалларда суратга тушган.
Изоҳ (0)