Asli toshkentlik, hozirda Rossiyada faoliyat yuritadigan aktrisa Ravshana Kurkova ilk Instagram-sitkom qahramoniga aylandi, deb yozadi My Day.
16-iyun kuni Play With Time Instagram-sitkomining premyerasi bo‘lib o‘tdi, u vaqtini behuda o‘tkazmasdan, hayotini yorqin lahzalar bilan to‘ldiradiganlar haqida hikoya qiladi.
Sitkom Moskva, Kiyev, Varshava va Olmaotaning do‘stlar uchrashadigan joylarida suratga olindi. Loyihaga David Kocharov (Comedy Club Production) rejissorlik qildi, Mixail Degtyarev (“Vecherniy Urgant”) va Roman Kantor ssenariynavislik qildi.
Yangi epizodlarni yoz bo‘yi haftasiga uch marta maxsus Instagram-kanalda ko‘rish mumkin.
Ravshana Matchonova (Kurkova) 1980-yilda Toshkentda “Ilhom” teatri aktyori Bahrom Matchonov va aktrisa Ra’no Kubayeva oilasida tug‘ilgan. U 35 dan ortiq film va seriallarda suratga tushgan.
Izoh (0)