Сўнгги вақтларда ижтимоий тармоқларда, оммабоп мессенжерларда Ўзбекистонда хизмат кўрсатган артист, таниқли хонанда ва бастакор Руслан Шариповнинг қизғин муҳокамаларга сабаб бўлган суратлари ва видеолари тарқалди.
Мазкур ҳолат юзасидан унинг ўзи ҳам, онаси ҳам фикр билдирди. Руслан Шарипов MY5 телеканалига берган интервьюсида: «Ҳаммасига ўзим айбдорман», — деб айтган бўлса, онаси «Даракчи» газетаси мухбири билан суҳбатда: «Ҳаммасига барибир Русланнинг ўзи айбдор деб ўйлайман», — деди.
Ҳозиргача қатор машҳур санъаткорлар ижтимоий тармоқлардаги саҳифалари орқали ўз даврининг забардаст санъаткорларидан бири ҳисобланган Руслан Шариповга ёрдам қўлини чўзиш кераклиги ҳақида фикрлар билдирди, ҳатто, бу йўналишда алоҳида тадбирлар уюштириш режалари ҳам илгари сурилди.
Ҳар нима бўлганда ҳам, Руслан Шарипов замонавий ўзбек эстрадаси, бугунги ўзбек шоу-бизнесининг шаклланишига салмоқли ҳисса қўшгани, ҳозирги кунда ҳам довруғи ва обрўси сўнмаган 1990 йилларнинг қатор машҳур гуруҳлари ва яккахон хонандаларига қарийб устоз даражасида кўмак берганини унутиб ҳам, рад этиб ҳам бўлмайди.
Қуйида Руслан Шариповнинг якка ўзи ва бошқа хонандалар билан бирга куйлаган машҳур қўшиқлари кетма-кетлиги эътиборингизга ҳавола қилинмоқда. Бу қўшиқлар нафақат Руслан Шарипов истеъдодига яна бир бор баҳо бериш, балки 10—15 йил аввалги ўзбек эстрадасини ёдга олиш имконини ҳам беради.
Руслан Шарипов, «Сетора», «Хўжа» — «Яйра Ўзбекистон!»
Юлдуз Усмонова ва Руслан Шарипов — «Нозанин» («Кабриолет»)
Руслан Шарипов — «Дўст»
Юлдуз Усмонова ва Руслан Шарипов — «Тегаман»
Руслан Шарипов — «Духтараки Бухоро»
Юлдуз Усмонова ва Руслан Шарипов — «Ҳасрат» («Айтмасам, айтолмасам»)
Юлдуз Усмонова ва Руслан Шарипов — «Севгилим»
Руслан Шарипов — «Йўқчилик йиқитар йигит зўрини»
Бонус
«Болалар», «Шаҳзод», «Хўжа» ва Руслан Шарипов — «Эски шаҳар»
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)