Мексиканинг The Voice шоуси қатнашчиси Алехандро Фуэнтес Чикагода отиб ўлдирилди. Бу ҳақда «РБК» хабар бермоқда.
45 ёшли Фуэнтеснинг бошига дўстлари билан машинада ўтирган пайт уч бор ўқ узилди. У ўша куни туғилган кунини нишонлаётган эди. Қуролланган кимса қизил кабриолетда бўлган Фуэнтесга машинадан чиқишни буюрди, рад жавобини олгач, унга қарата ўқ узди.
Полиция ҳужумда гумонланувчилар ҳозирча йўқлигини маълум қилди. Мазкур жиноят автомобилни олиб қочиш ёки талончилик билан боғлиқлиги текшириб кўрилмоқда.
Фуэнтес 2011 йили Мексиканинг The Voice шоуси қатнашчиси бўлган. Чикагода унинг студияси ва санъат мактаби бор эди.
Олдинроқ АҚШнинг The Voice шоуси қатнашчиси Кристина Гримми Орландодаги концертдан сўнг отиб ўлдирилганди.
Изоҳ (0)