Марказий банклар валюта ва фоизлар билан манипуляция қилиш ҳамда эркин фонд бозорларига аралашишни тўхтатиши лозим. Бу ҳақда Петербургдаги халқаро иқтисодий форумда иштирок этган швейцариялик таниқли молиячи ва инвестор Марк Фабер маълум қилди, дея хабар беради «РБК».
Фаберга кўра, инвесторлар ҳозирги кунда дунё беш—ўн йилдан сўнг қандай кўринишда бўлишини тушунмаяпти. Шу боис активларни аралаш ҳолда — кўчмас мулк, акциялар, қарз қоғозлари ва қимматбаҳо металларга тенг тақсимлаган маъқул. Энг ишончли активлар эса олтин, кумуш ва платинадир.
«Олтин унцияси 1999 йили 255 долларга баҳоланган бўлса, 2011 йилда 1921 долларгача кўтарилди. Кейинчалик нархлар бироз пасайди ва ҳозирда унцияси 1300 доллар атрофида савдо қилинмоқда. Баъзан турли валюталарнинг қимматбаҳо металларга нисбатан мавқейи мустаҳкамланса-да, узоқ муддатли истиқболда айнан қимматбаҳо металларга маблағ тикиш ўзини оқлайди», — дея таъкидлаган Фабер.
Изоҳ (0)