Ўзбекистоннинг аксарият ҳудудларида 15 июнь куни кузатилган ёмғирли салқин ҳаво 16 июнь куни ҳам сақланиб қолади. Бу ҳақда «Ўзгидромет» маркази хабар бермоқда.
Хабар беришларича, 16 июнга ўтар кечаси Ўзбекистоннинг тоғли ҳудудларида ҳаво ҳарорати +11...+16 даража, Тошкент шаҳрида +18...+20 даража, қолган ҳудудларда +18...+23 даража илиқ бўлади.
16 июнь, пайшанба куни кундузи тоғли жойларда ҳаво ҳарорати +17...+22 даража, Тошкент шаҳрида +28...+30 даража, Қорақалпоғистон Республикаси ва Хоразм вилоятида +33...+38 даража, қолган ҳудудларда +28...+33 даража илиқ бўлади.
Қорақалпоғистон Республикаси ва Хоразм вилоятидан бошқа ҳудудларда, хусусан, Тошкент шаҳрида қисқа муддат ёмғир ёғиши, момақалдироқ бўлиши, шамолнинг тезлиги эса сониясига 15—20 метргача кучайиши кузатилади.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)