Жаҳон банки ижрочи директорлар кенгаши 14 июнь куни 2016—2020-молия йиллари учун Ўзбекистон билан янги Шериклик концепциясини тасдиқлади, деб ёзади «Газета.uz» ташкилот матбуот хизматига таяниб.
Янги стратегик дастур 2030 йилга келиб ўртача даромадли мамлакатлар гуруҳининг юқори сегментидаги мамлакат мақомига эришиш бўйича миллий мақсадни қўллаб-қувватлайди.
Ушбу мақсадга иқтисодиётнинг рақобатбардошлилигини ошириш, ишбилармонлик муҳитини яхшилаш ва ишчи ўринларни тезкорлик билан яратиш учун зарур шароитлар билан таъминлаш учун инфратузилмани ривожлантириш орқали етиб борилади.
Стратегия асосан учта бирламчи соҳага қаратилган, булар — хусусий секторнинг ўсиши, қишлоқ хўжалигининг рақобатбардошлилиги ва пахта етиштириш секторини модернизация қилиш, шунингдек, давлат хизматлари сифатини ошириш.
Изоҳ (0)