Туркия президенти Ражаб Тоййиб Эрдўғон россиялик ҳамкасби Владимир Путинга расмий мактуб йўллаб, икки давлат ўртасидаги муносабатлар қайта тикланишига умид билдирди. Бу ҳақда «ТАСС» хабар бермоқда.
«Бу ўтган йилдан бери биринчи расмий хатдир», — маълум қилди Эрдўғоннинг матбуот хизмати. Шу билан бирга, Туркия раҳбарининг девонхонаси ҳали мактуб мундарижасини ошкор этишга рухсат олмагани айтилди.
Бундан ташқари, NTV телеканалининг билдиришича, Туркия бош вазири Биноли Йилдирим Россия куни муносабати билан ҳамкасби Дмитрий Медведевга мактуб йўллаб, муносабатлар яхшиланиши тилагини изҳор этган.
2015 йилнинг 24 ноябрида Туркиянинг F-16 қирувчиси Россиянинг Су-24М бомбардимончи самолётини уриб туширганидан буён икки давлат ўртасидаги муносабатлар ёмонлашган эди. Бу Эрдўғоннинг ўшандан буён Путинга йўллаган дастлабки расмий мактуби эканлиги айтилмоқда.
Изоҳ (0)