Евро—2016. Россия терма жамоаси Англияга қарши беллашувнинг сўнгги дақиқасида мағлубиятдан қутилиб қолди

Евро—2016 мусобақасида «Б» гуруҳи иштирокчилари ҳам 1-тур беллашувларини якунлади.

1-тур беллашувлари Британия ороллари терма жамоалари учун очко келтирди. Куннинг биринчи ўйинида Уэльс Словакия устидан 2:1 ҳисобида зафар қучган бўлса, иккинчисида Англия ва Россия терма жамоалари ўзаро дуранг ўйнади.

Россияга қарши беллашувнинг 73-дақиқасида Эрик Даер жарима зарбасини аниқ амалга ошириб, инглизларни ҳисобда олдинга олиб чиққанди. Ўйинга ҳакам томонидан қўшиб берилган дақиқаларда эса Денис Глушаков россияликларни мағлубиятдан қутқариб қолди.

1-турдан кейин Уэльс терма жамоаси 3 очко билан «Б» гуруҳини бошқариб турибди. Англия ва Россия терма жамоалари ҳисобида 1 тадан очко бор.

Мазкур зонада 2-тур ўйинлари 16 июнь куни бўлиб ўтади. Британия дербисида Англия ва Уэльс термалари кураш олиб борса, Россия Словакияга қарши саф тортади.

Маълумот учун, Англия терма жамоаси Европа Чемпионатларининг биринчи ўйинида ҳеч қачон ғалаба қозона олмаганди. 2016 йилги Еврода ҳам бу анъана давом этди.

[wpse_match id="351129" show_title=1]