Yevro—2016. Rossiya terma jamoasi Angliyaga qarshi bellashuvning so‘nggi daqiqasida mag‘lubiyatdan qutilib qoldi

Yevro—2016 musobaqasida “B” guruhi ishtirokchilari ham 1-tur bellashuvlarini yakunladi.

1-tur bellashuvlari Britaniya orollari terma jamoalari uchun ochko keltirdi. Kunning birinchi o‘yinida Uels Slovakiya ustidan 2:1 hisobida zafar quchgan bo‘lsa, ikkinchisida Angliya va Rossiya terma jamoalari o‘zaro durang o‘ynadi.

Rossiyaga qarshi bellashuvning 73-daqiqasida Erik Dayer jarima zarbasini aniq amalga oshirib, inglizlarni hisobda oldinga olib chiqqandi. O‘yinga hakam tomonidan qo‘shib berilgan daqiqalarda esa Denis Glushakov rossiyaliklarni mag‘lubiyatdan qutqarib qoldi.

1-turdan keyin Uels terma jamoasi 3 ochko bilan “B” guruhini boshqarib turibdi. Angliya va Rossiya terma jamoalari hisobida 1 tadan ochko bor.

Mazkur zonada 2-tur o‘yinlari 16-iyun kuni bo‘lib o‘tadi. Britaniya derbisida Angliya va Uels termalari kurash olib borsa, Rossiya Slovakiyaga qarshi saf tortadi.

Ma’lumot uchun, Angliya terma jamoasi Yevropa Chempionatlarining birinchi o‘yinida hech qachon g‘alaba qozona olmagandi. 2016-yilgi Yevroda ham bu an’ana davom etdi.

[wpse_match id="351129" show_title=1]