Афсонавий боксчи Муҳаммад Алининг она шаҳри Луисвиллда 10 июнь, жума куни бўлиб ўтган дафн маросимига минглаб одамлар тўпланди. Уларнинг орасида бошқа штатлар ва чет элдан келган мухлислар ҳам бор эди. Қуйида ҳавола этиладиган фотогалерея орқали буюк инсон ва спортчини сўнгги йўлга кузатиш лаҳзалари ҳақида тасаввурга эга бўлишингиз мумкин.
Тобут Алининг уйи, Афроамерика мероси маркази ва афсонавий спортчи номи билан аталган хиёбон ёнидан олиб ўтилди. Стадионда бўлиб ўтган дафн маросимига бепул чипталар ярим соатда тарқалиб кетди.
Маросимда кўплаб таниқли инсонлар — Арнольд Шварценеггер, Уилл Смит, Леннокс Льюис, Майк Тайсон иштирок этди, собиқ президент Билл Клинтон сўзга чиқди. Барак Обама видеомурожаат йўллади — АҚШ президенти катта қизининг битирув кечаси сабабли маросимга келолмади.
Унинг тобутини ерга қўйиш тор доирада ўтди — қабристонга Алининг мухлислари қўйилмади. Тобут тепасида Алининг оиласи — турмуш ўртоғи Иоланта, қизлари Марьям ва Рашида турди.
Фото: Reuters.
Бир кун олдин Луисвиллда Муҳаммад Али билан ислом русумларига мувофиқ хайрлашув маросими бўлиб ўтганди.
Эслатиб ўтамиз, афсонавий боксчи Муҳаммад Али 3 июнь куни 74 ёшида вафот этганди.
Изоҳ (0)