Россиянинг Санкт-Петербург шаҳрида «Илья Муромец» музёрар кемаси сувга туширилди, дея хабар бермоқда «Газета.ru». У Россия ҳарбий-денгиз флоти эҳтиёжлари учун қурилган ушбу классга оид 45 йил ичидаги биринчи кемадир.
Музёрар 2014 йил мартида Россия мудофаа вазирлиги билан тузилган шартномага кўра, 2015 йил апрелида «Адмиралтейство корхоналари»да қурила бошлаган эди. Уни буюртмачига 2017 йил 25 декабрда топшириш кўзда тутилган.
Ушбу лойиҳага тегишли ёрдамчи дизель-электр музёрарлар ҳарбий-денгиз флотининг Арктика ҳудудидаги фаолиятини таъминлаш учун мўлжалланган. Ушбу турда жами тўртта кема қуриш режалаштирилган.
Музёрарнинг сув сиғими олти минг тоннани, узунлиги 85 метрни, сувга ботиб туриш даражаси 6,6 метрни, тўлиқ юриш тезлиги 15 узелни ташкил этади. Асосий экипаж 32 кишидан, қўшимча — 50 кишидан иборат.
Изоҳ (0)