Колумбия ғарбидаги Медельин ва Кибдо шаҳарлари оралиғидаги шосседа, Чоко департаментида кутилмаганда юз берган кўчки оқибатида олти киши ҳалок бўлди. Бу ҳақда 9 июнь, пайшанба куни мамлакат йўл қурилиши миллий институти вакиллари маълум қилди, дея хабар беради «ТАСС».
Мамлакат фавқулодда вазиятлар миллий хизматига кўра, «ҳодиса йўл хизмати ишчилари олдинроқ тош қулашидан шикастланган йўлни тартибга келтириш билан машғул бўлганида рўй берган. Воқеа жойида бир неча экскаватор ва юк машиналари ишлаётган бўлган, бироқ кўчки барча техника, ишчилар ва яқин атрофдаги одамларни олиб кетган».
Колумбия ОАВлари дастлаб кўчки туфайли 30 дан ортиқ киши бедарак йўқолганини билдирганди, лекин кейинчалик уларнинг аксарияти яқинлари билан боғланишга муваффақ бўлгани аниқланди.
Изоҳ (0)