ИШИД аъзолари сони камайиб бормоқда ва гуруҳ назорати остидаги ҳудудларни йўқотмоқда. Бу ҳақда АҚШ президентининг халқаро аксилтеррор коалициясидаги махсус вакили Брет Макгурк маълум қилди, дея хабар беради «ТАСС».
«Ҳисоб-китобларимизга кўра, ИШИД аъзолари сони ҳозирда 19 мингдан 25 минг кишигача боради. Бир йил аввал уларнинг Ироқ ва Суриядаги сони 35 минг кишидан ошарди. Мазкур муддат мобайнида жангарилар Ироқда 50, Сурияда эса 20% назорати остидаги ҳудудни йўқотди», — дея таъкидлаган Макгурк.
Махсус вакил ИШИД аъзолари жанговор руҳи сўниб бораётгани, улар Ракка, Мосул ва бошқа қатор йирик аҳоли пунктларини бой беришлари мумкинлиги ҳақида гапиришни бошлаганини билдирди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)