Барак Обама Беларусь раҳбарияти вакилларига нисбатан АҚШ санкцияларини бир йилга узайтирди. У 10 июнь, жума куни бу ҳақдаги фармонни имзолади ва Конгрессга билдиришнома жўнатди, дея хабар берди «ТАСС».
Фармонда «Беларусь ҳукуматининг айрим вакиллари ҳаракатлари АҚШ миллий хавфсизлиги ва ташқи сиёсатига фавқулодда хавф туғдириши» таъкидланган. Вашингтонга кўра, «мамлакатда сиёсий таъқиблар, жумладан, кишиларни қўлга олиниши ва ўғирланиши билан боғлиқ инсон ҳуқуқларининг бузилиши, шунингдек, коррупция ва давлат мулкидан ноқонуний фойдаланиш каби ҳолатлар кузатилмоқда».
Илк бор шундай фармон бундан 10 йил аввал, 2006 йил июнида АҚШнинг ўша пайтдаги президенти Жорж Буш томонидан имзоланганди. Санкциялар жорий этилган Беларусь расмийлари рўйхатига 10 киши, жумладан, мамлакат президенти Александр Лукашенко киритилган.
Эслатиб ўтамиз, Европа кенгаши жорий йил февралида Беларусь президенти Александр Лукашенко ва мамлакат мансабдорларидан яна 169 кишига нисбатан жорий этилган санкцияларни бекор қилди.
Изоҳ (0)