Ақтўбедаги терактни салафийлик оқими издошлари ташкил қилган. Бу ҳақда Қозоғистон президенти Нурсултон Назарбоев маълум қилди, деб ёзади «Интерфакс».
«Бу салафийлик ноанъанавий диний оқими издошлари гуруҳининг террорчилик ҳужуми эканлигини билиб бўлдик», — деди у 10 июнь куни бўлиб ўтган Хавфсизлик кенгаши мажлисида.
«Республикада динга сиғиниш эркинлигини таъминлаш билан бир вақтда, диний шиорларни ниқоб қилиб олиб, мамлакатдаги вазиятни заифлаштирадиганларнинг барчасига қатъий қаршилик кўрсатиш ниятидамиз», — дея таъкидлади Назарбоев.
Эслатиб ўтамиз, 5 июнь куни диний радикаллар гуруҳи Ақтўбеда иккита қурол-аслаҳа дўкони ва ҳарбий қисмга ҳужум уюштирди. Натижада етти киши, жумладан, уч ҳарбий хизматчи ва тўрт фуқаро ҳалок бўлди.
Изоҳ (0)