АҚШ ҳарбий-денгиз кучлари Варшавада 8—9 июль кунлари бўлиб ўтадиган саммит арафасида Ўртаер денгизига «Гарри Трумэн» ва «Дуайт Эйзенхауэр» авианосецларини киритади, чунки Вашингтон Россиянинг ҳарбий фаоллигини мувозанатга келтириш ва ИШИДга қарши курашни тезлаштиришга интилмоқда, деб ёзади «РБК».
Америка флотидаги мансабдор шахслар айтишича, «Гарри Трумэн» Форс кўрфазига кетаётган «Дуайт Эйзенхауэр»га навбатчиликни топширади, у ўз навбатида, биринчи кемага саккиз ойлик сафардан сўнг АҚШга қайтиш имконини беради.
Reuters’нинг Пентагондаги манбалари АҚШ ҳарбий-денгиз кучларининг ушбу қадами НАТОнинг Шарқий Европа ва Туркиядаги ҳарбий ўқув машғулотлари билан бир вақтга тўғри келганини айтди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)