Буюк Британия, АҚШ ва Россия интернет тармоғи энг барқарор мамлакатлар учлигидан ўрин олди. Qrator Labs компанияси тадқиқотлари шундан далолат бермоқда, дея хабар қилади «РИА Новости».
Компания ўрганишлари чоғида миллий сегментнинг барқарорлигини мамлакат учун муҳим бўлган операторга боғлиқлик жиҳатидан ўрганди. Рунет асосан «Ростелеком»га таянади, унинг фаолиятидаги носозликлар Россия тармоқларини 5,5 фоизини ишдан чиқарган бўларди. Иккинчи ўринни АҚШ эгаллади — TATA операторидаги бузилишлар маҳаллий тармоқларнинг 5 фоизида муаммо туғдиради. Буюк Британия миллий сегменти энг барқарор бўлиб чиқди: Virgin Media ишида носозликлар юзага келса, маҳаллий тармоқларнинг атиги 3,4 фоизи алоқасиз қолади.
Qrator Labs бош директори Александр Ляминга кўра, қанчалик кўп ўртача кўламдаги операторлар трансчегаравий ўтиш имконига эга бўлса, миллий сегмент фаолияти шунчалик барқарор бўлиб бораверади. Россияда 20—30 оператор шундай имкониятига эга, шу боис мамлакатда интернетни ҳимояланган деб ҳисоблаш мумкин.
Изоҳ (0)