Япония, АҚШ ва Жанубий Корея давом этаётган провокациялар фонида Пхеньянга нисбатан босимни кучайтиради. Бу ҳақда «ТАСС» хабар бермоқда.
Токиода бўлиб ўтган КХДР бўйича олти томонлама музокараларда иштирок этувчи уч мамлакат делегациялари раҳбарлари учрашувида шундай келишувга эришилди.
«Томонлар давом этаётган провокацияли ҳаракатлар туфайли Пхеньянга босимни кучайтириш зарурлиги тўғрисида якдил фикрга келди. Шунингдек, Токио, Сеул ва Вашингтон КХДРнинг ракета ва ядро дастурига кескин қарши чиқди», — дея таъкидлаган «Киодо» агентлиги.
Олдинроқ АҚШ Қуролли кучлари стратегик қўмондонлиги КХДР томонидан ўрта масофага учириладиган баллистик ракета синовини қайд этгани, Япония ташқи ишлар вазири Фумио Кисида эса Шимолий Кореянинг ракета учиришга навбатдаги уринишини «провокация» деб атагани ҳақида хабар берилганди.
Изоҳ (0)