НАТО ҳарбий қўмитаси раҳбари Жанубий Кореяга ташриф билан келди

НАТО ҳарбий қўмитаси раиси генерал Петр Павел 30 май, душанба куни Жанубий Кореяга тўрт кунлик ташриф билан етиб келди, дея хабар бермоқда «РИА Новости» Жанубий Кореянинг «Рёнхап» ахборот агентлигига таяниб.

Унинг маълумотларига кўра, НАТО генерали шу куниёқ Жанубий Корея қуролли кучлари штаблари бошлиқлари қўмитаси раиси Ли Сон Чжин билан учрашиб, ҳарбий ҳамкорлик йўлларини муҳокама қилади.

Ушбу ташриф давомида Петр Павел, шунингдек, Жанубий Корея мудофаа вазири Хан Мин Гу билан учрашув ўтказишни ва Жанубий Корея давлатини КХДРдан ажратиб турувчи қуролсизлантирилган ҳудуддаги Пханмунжом музокаралар пунктига ташриф буюришни режалаштирмоқда.

Агентлик таъкидлашича, бу НАТО ҳарбий қўмитаси раисининг Жанубий Кореяга биринчи ташрифидир.