Ливияни Италиянинг жанубий қирғоқларидан ажратиб турувчи Сицилия бўғозида рўй берган уч кема ҳалокатида нобуд бўлган муҳожирлар сони 900 кишига етиши мумкин. Бу ҳақда «ТАСС» хабар бермоқда.
La Repubblica қутқарув ишларини мувофиқлаштирувчи Италия қирғоқ ҳимояси хизматига таяниб маълум қилишича, 26 май, пайшанба кунги кема ҳалокатининг ўзида 400 нафаргача қочқин ҳалок бўлган бўлиши мумкин. Газета ҳар бирида 500 кишидан бўлган ва бир-бири билан боғлиқ икки кема ҳақида ёзмоқда. Улардан бири чўка бошлаганида муҳожирлар нариги кемага ўтишга ҳаракат қилган, бироқ у ерда кемаларни боғловчи пўлат симларни узиб ташлашган. Бунинг оқибатида нари борса 20 нафар атрофидаги қочқин омон қолган.
27 май, жума куни содир бўлган охирги ҳалокатда ўлганлар сони ҳам номаълум. ОАВ камида 45 киши ҳалок бўлгани, 100 киши бедарак йўқолганини маълум қилмоқда. Бундан икки кун аввал Италиянинг икки ҳарбий кемаси экипажи томонидан бўғозда 500 дан ортиқ қочқин қутқарилган, улар сафида бўлган камида етти киши ўлгани қайд этилганди.
Изоҳ (0)