Араб давлатлари лигаси (АДЛ) Ливия миллий келишув ҳукуматини (МКҲ) тан олди ва мазкур ҳукумат ташқи ишлар вазирининг АДЛ ТИВ раҳбарлари йиғилишида иштирок этишини маъқуллади. Шунингдек, лига ташкилотга номзодини МКҲ тақдим этадиган Ливия элчиси тайинланишига ҳам розилик билдирди. Бу ҳақда «ТАСС» хабар бермоқда.
Айни пайтда, Абдулла Абдураҳмон ат-Таний бошчилигидаги халқаро тан олинган ва Тобрук шаҳрида жойлашган Ливиянинг «шарқий» ҳукумати АДЛ қарорига кескин норозилик билдирди. Тобрукдаги ҳукуматнинг лига бош котиби Набил ал-Арабийга мактубида бундай қарор «Ливиядаги сафларнинг парокандалиги ва мамлакат учун хатарли оқибатларга олиб келиши мумкинлиги» билдирилган.
Маълумот учун, 2016 йил 14 февралида халқаро ҳамжамият кўмагида Марокашнинг Схират шаҳрида қароргоҳи Триполида бўлган Ливия миллий келишув ҳукумати тузилганди.
Изоҳ (0)