Ҳиндистон коинот тадқиқотлари ташкилоти (ISRO) июнь ойида рекорд миқдордаги — бир йўла 22 та сунъий йўлдошни орбитага олиб чиқади. Бу ҳақда 29 май, якшанба куни ташкилот раҳбари Киран Кумар маълум қилди, дея хабар берди «ТАСС».
«Июнь охирида бир пайтнинг ўзида 22 та сунъий йўлдошни орбитага олиб чиқиш ниятидамиз. Тайёргарлик ишлари якуний босқичга келган. Бир парвозда орбитага ўнта сунъий йўлдош олиб чиқилган ва Россияга тегишли аввалги дунё рекорди ўзгартирилган 2008 йилги натижамизни янгилашга умид қиляпмиз», — дея таъкидлаган Киран Кумар.
Мутасаддининг билдиришича, 22 сунъий йўлдошдан атиги 3 таси Ҳиндистонга тегишли бўлиб, қолганлари АҚШ, Канада, Индонезия ва Германия учун учирилади.
Изоҳ (0)