Экваториал Гвинея термаси Ўзбекистонга қарши ўртоқлик ўйинига 20 нафар футболчи билан Тошкентга ташриф буюради

Экваториал Гвинея терма жамоаси бош мураббийи Эстебан Беккер 2 июнь куни Тошкентда Ўзбекистон термасига қарши бўлиб ўтадиган ўртоқлик учрашуви учун 20 нафар футболчини таркибга жалб этди, деб хабар бермоқда Ўзбекистон футбол федерацияси матбуот хизмати.

• Ўзбекистон термаси 2 июнь куни Тошкентда Экваториал Гвинея билан ўртоқлик ўйинида майдонга тушади

Эстебан Беккер бош мураббийлигидаги терма жамоа 3 июнь куни қитъа саралаши доирасида Бенин терма жамоасига қарши майдонга тушиши керак эди. Аммо, ФИФА конгрессида Бенин терма жамоасига қарши санкция қўллангани ва мазкур терма жамоа ФИФА тасарруфидан чиқарилгани боис, ўйин бекор қилинди.

Экваториал Гвинея терма жамоаси сўнгги расмий учрашувини шу йилнинг март ойида, ўз майдонида Мали терма жамоасига қарши ўтказган ҳамда 0:1 ҳисобида мағлуб бўлганди.

• Одил Аҳмедов, Виталий Денисов ва Сардор Рашидов Ўзбекистон миллий терма жамоасига чақирилмади

Айни дамда ФИФА рейтингида 83-ўринда бораётган Экваториал Гвинея терма жамоаси ўтган йили ўзи мезбонлик қилган Африка Миллатлар Кубоги мусобақасида ярим финалга қадар етиб борган.

Эслатиб ўтамиз, Ўзбекистон ҳамда Экваториал Гвинея терма жамоалари ўртасидаги ўртоқлик учрашуви 2 июнь куни Тошкентдаги «Бунёдкор» стадионида бўлиб ўтади. Учрашув соат 19:00 да бошланиши режалаштирилган.

• Ўзбекистон миллий терма жамоаси Канадага қарши ўртоқлик ўйини ўтказади

Экваториал Гвинея терма жамоасининг Ўзбекистонга қарши ўртоқлик ўйини учун таклиф этилган футболчилари рўйхати:

Дарвозабонлар: Фелипе Овоно («Орландо Пайретс», ЖАР), Мигел Эйома («Бата»).

Ҳимоячилар: Карлос Акапо («Валенсия Месталья», Испания), Марсело Асуму («Депортиво Унидад»), Игорь Энгонга («Португалет», Испания), Элой Эду («Сэнт Эндрюс», Мальта), Диосдадо Мбеле («Хайберниан», Мальта), Жеймс Борико («Мальорка Б», Испания), Эугенио Мбомио («Депортиво Монгомо»).

Ярим ҳимоячилар: Фредерико Бикоро («Сони де Эла Нгуема»), Иван Зарандона («Бургос», Испания), Максимо Ндонго («Расинг де Мисомесенг»), Виейра Эллонг («Керкира», Греция), Сильвериу Обиянг («Аконангуй»), Кристобал Алого («Сони де Эла Нгуема»), Федерико Нсуе («Мальорка Б» , Испания).

Ҳужумчилар: Давид Митого («Барко», Испания), Энрике Боула («Линарес Депортиво», Испания), Давид Ортли («Лаззспортс», Испания), Сальвадор Эду («Валенсия Месталья», Испания).