Иқтисодий тадқиқотлар маркази томонидан эълон қилинадиган Ўзбекистонда ишбилармонлик фаоллиги индекси апрелда 1013 пунктни ташкил этиб, мартга нисбатан 1,3 фоизга ошди. Бу ҳақда «Газета.uz» хабар бермоқда.
Марказ томонидан мамлакат учун мазкур ўлчов жорий этилган 2015 йил январидан бери индекс 27 фоизга ошиб, 1266 пунктга етган (индекснинг 1000 дан юқорилиги фаоллик ўсгани, бу кўрсаткичдан ками эса пасайишни англатади).
Апрелда ишбилармонлик фаоллигини ошиши индекснинг тўрт таркибий қисми, яъни хўжалик субъектлари банк операциялари сони ошгани (1,4%), товар-хом ашё биржасида хом ашё харид қилиниши кўпайгани (0,3%), фаолиятдаги хўжалик субъектлари компоненти яхшилангани (0,1%), бизнеснинг савдо белгиларига эгалик ҳуқуқини ҳимоя қилиш ва фойдаланиш фаоллиги ўсгани (25%) билан боғлиқлиги билдирилмоқда.
Изоҳ (0)