Корея биржаси (Korea Exchange, KRX) Ўзбекистон қимматли қоғозлар бозорини модернизация қилиш лойиҳаси доирасида мамлакат фонд бозорининг Ягона дастурий-техник мажмуасини яратиш учун сервер ва телекоммуникация ускуналарини етказиб бериш ва ўрнатиш ишларини якунлади, дея хабар бермоқда «Газета.uz» Қимматли қоғозлар бозорини мувофиқлаштириш ва ривожлантириш марказига таяниб.
Ўтган ҳафтада янги мажмуани синовдан ўтказиш бошланди, у ўз ичига фонд биржаси, Марказий депозитарий, инвестиция воситачилари, Миллий банк мутахассислари ва бошқаларни янги тизимлар билан ишлашга ўргатиш, шунингдек, синов операцияларини ўтказиш ва қимматли қоғозлар савдоси имитациясини яратишни (Mock market) олади.
KRX вакиллари ихтисослаштирилган дастурий таъминотни ишлаб чиқишни якунламоқда, у савдо, клиринг, депозитар ва назорат тизимларидан иборат. Бундан ташқари, «Тошкент» Республика фонд биржаси янги вебсайтини яратиш ишлари олиб борилмоқда.
Изоҳ (0)