17 май, сешанба куни АҚШнинг Нью-Йорк, Мэн, Вермонт, Нью-Гэмпшир ва Род-Айленд штатларида 400 га яқин киши кичик метеорит қулашини кузатди, деб ёзади «ТАСС». Атмосферада метеорит қолдирган ёрқин изни Вермонт штатидаги Берлингтон халқаро аэропорти видеокамералари ҳам қайд этди.
Вашингтондаги Ҳарбий-денгиз обсерваторияси вакили Жефф Честер маълум қилишича, метеорит ҳажми бир неча ўн сантиметр бўлиши мумкин.
«Мэн штатидаги Минералогия музейи экспертлари тахмин қилишича, метеорит ушбу штатнинг шимоли-ғарбий қисмидаги ўрмонли ҳудудга тушган, — деб хабар беради AP агентлиги. — Музей метеоритнинг камида бир килограммлик бўлагини келтирган кишига 20 минг доллар мукофот пули берилишини эълон қилди».
Изоҳ (0)