АҚШ Конгресси сенати мамлакат фуқароларига 2001 йил 11 сентябрь терактларига алоқадорлик айблови бўйича Саудия Арабистонига қарши Америка судларига даъво беришга рухсат этувчи қонун лойиҳасини бир овоздан маъқуллади, деб ёзади «ТАСС».
«Терроризм ҳамкорларига нисбатан адолат тўғрисида»ги ташаббус муаллифи ва нуфузли демократ сенатор Чарльз Шумер таъкидлашича, қонун лойиҳаси «кетма-кет терактлар қурбонлари оилаларига, ҳеч бўлмаганда, кичик адолат чораси кўрилишига эришиш имконини беради».
Энди ташаббус вакиллар палатаси томонидан маъқулланиши керак, шундан сўнг у АҚШ президенти Барак Обамага юборилади, у эса қонун лойиҳасига вето қўйишини айтиб бўлган. «Бу фақат Америка-Саудия алоқалари муаммоси эмас, — деди у. — Бу АҚШнинг бошқа мамлакатлар билан ҳамкорликка умумий ёндашуви муаммосидир. Агар биз АҚШда хорижий мамлакатлар ҳукуматларига қарши якка тартибда даъволар бериш имкониятини яратсак, бошқа давлатлар фуқаролари ҳам доимий равишда ўз судларига АҚШга қарши даъволар билан мурожаат қилади».
Изоҳ (0)