Тошкентда Microsoft Lumia 950 смартфони 2,7 млн сўмдан сотила бошлади

Ўзбекистонда Microsoft Lumia 950 смартфони сотувга чиқди, деб ёзади «Mobinfo.uz». Lumia линейкасидаги сўнгги флагман ўзидан аввалги смартфонлар хусусиятларини ўзида мужассамлаштирган, аммо ҳажми бўйича сезиларли равишда каттароқ бўлиб, сифатли ва қимматбаҳо материаллардан йиғилган.

Microsoft компанияси Windows 10 Mobile мобил операцион тизимида ишловчи энг янги Lumia 950 ва 950 ХL флагманларини 2015 йил октябрда расман тақдим этган эди.

Lumia 950’га 5,2 дюймли ва 2560×1440 пикселли дисплей, олти ядроли Snapdragon 808 процессори, 20 мегапикселли асосий ва 5 мегапикселли олд камера, 32 Гб доимий ва 3 Гб тезкор хотира, 3000 мА/соат сиғимли аккумулятор ўрнатилган.

Тезкорлик билан қувват олиш функцияси смартфонни 30 дақиқада 50 фоиз зарядлаш имконини беради. Flagmanда Windows Hello функцияси ҳам бўлиб, у гаджетнинг эгасини таниб олиш учун хизмат қилади.

Тошкентдаги «Флешка» савдо мажмуасида Microsoft Lumia 950 2,7 миллион сўмга сотилмоқда.

Ушбу қурилмани кўрсатилган нархда сотиб олишга «Дарё» нашри кафолат    бермайди. Қурилма ва унинг нархи ҳақидаги ахборот фақат танишиш учун тақдим этилган.