Қирғизистон футбол федерациясининг facebook’даги расмий саҳифаси 13 май куни Ўзбекистон миллий терма жамоасига қарши ўртоқлик ўйини ўтказилиши ҳақида расман маълум қилди. Бу хабар остига қирғизистонлик футбол мухлислари позитив руҳдаги изоҳлар қолдирди.
«Қойил! Супер-кучли рақиб. Тўплар нисбатидаги фарқ 22:2, уларнинг фойдасига. Биз бир марта ҳам зафар қучмаганмиз», — деб фикр билдирган қирғизистонлик мухлислардан бири.
«Крестинин ва жамоаси учун жиддий синов. Юзталикка тасодифан кирмаганликларини исботлаш учун ҳам, зафар қучишлари керак. Омад», — деб ёзди бошқа бир мухлис. Бу икки изоҳдан кейин эса ўзбекистонлик футбол мухлиси пайдо бўлиб, қирғизистонлик ишқибозларга шундай мурожаат қилган: — «Биласизларми, ўзбекистонлик футбол мухлислари, жумладан мен ҳам, бу ўйиндан хурсанд эмасмиз. Биз Қирғизистондек кучсиз рақиб танланганидан норозимиз. Ҳисоб йирик бўлиши шубҳасиз. Ўйин ‘Бунёдкор’ стадионида бўлиб ўтади».
«Яхшиси ўйин Бишкекда бўлиши керак эди. Яхшигина одам йиғиларди. Муҳими, ўйин ТВда намойиш этиларди», — деб ёзилган изоҳга, бошқа бир мухлис шундай жавоб берган: — «Тошкентда майдон яхшироқ».
«Ливанга қараганда бир бош кучли рақиб. Ўзбек тарафи асосий таркибини туширармикин ёки йўқ, шуниси қизиқ бизга», — дейди фейсбукнинг қирғизистонлик фойдаланувчиси. «Қирғизистон енгиб чиқишига мен тўлиқ ишонаман», — деб умид билдирган бошқа бир мухлис. Изоҳлар орасида «Ишқилиб ўйинни бекор қилишмасинда» — деб ёзилган хавотирли фикрлар ҳам бор.
Ўзбекистонлик футбол мутахассиси Алишер Никимбаев ўйин ҳақида шундай фикр билдирди: — «Умуман олганда, Қирғизистон бу жуда яхши. Кетма-кет ғалабалар сони бўйича рекорд ўрнатиш учун ажойиб имконият бор». Қайд этиш керак, Самвел Бабаян бош мураббийлигида Ўзбекистон миллий терма жамоаси кетма-кет саккиз беллашувда зафар қучишнинг уддасидан чиқа олди.
«Chempionat.asia» сайтига ташриф буюрувчи футбол мухлисларининг ўйин ҳақидаги фикрлари позитивликдан йироқда бўлди. «Биз ҳам хурсандмиз, осмондан тушгандек текин рақиб пайдо бўлганига», — деб ёзган мухлислардан бири.
«Бизнинг жаҳон чемпионатига чиқишимизни хоҳлашмаяптими, дейман. ЖЧга бораман дейдиган жамоалар Испания, Хорватия, Англия билан ўртоқлик ўйини ўтказяпти, бизникилар эса машҳур бўлган хоккейчилар — Канада, Қирғизистон. Энди навбат Фарер оролларига», — деб ёзган бошқа бир фойдаланувчи.
Фикрлар орасида «Биз ҳам қачондир ўзимиздан кучли бўлган терма жамоалар билан ўйнаймизми, йўқми?», «Ўзбекистон терма жамоаси бу ўйиндан ҳеч нарса олмайди, Қирғизистон фойдасига ишлайди бу пассив ўртоқлик ўйини», «Темп жуда юқори-ку, Бу ўйин биз учун жуда муҳим! Йигитлар, бўшашманглар, фақат ва фақат ғалаба бизни қониқтиради. Аҳир бу финалга тенг ўйин-ку!», — деб ёзилган изоҳларни ҳам учраштиш мумкин.
Жанубий Корея спорт нашрлари ЖЧ—2018 саралашида Ўзбекистонни кучсиз рақиб деб ҳисоблайди
ЖЧ—2018 3-саралаш босқичидаги мураббийлар Ўзбекистон термасини жиддий рақиб деб ҳисобламайди
Одил Аҳмедов ва Сервер Жепаров ЖЧ—2018 йўлида бирлашиш керак деб ҳисоблайди
29 майАлбания — Қатар
31 майВьетнам — Сурия
1 июньИспания — Жанубий Корея
2 июньМакедония — ЭронЎзбекистон — Қирғизистон
3 июньТаиланд — СурияХитой — Тринидад ва Тобаго
5 июньЧехия — Жанубий Корея
7 июньКанада — ЎзбекистонХитой — Қозоғистон
Изоҳ (0)