Eron neft qazib olish va eksport qilishning sanksiyalargacha bo‘lgan darajasiga erishdi

Eronda neft qazib olish aprelda sanksiyalargacha bo‘lgan darajaga yetdi. Bu haqda Jahon energetika agentligi tomonidan tayyorlangan oylik bozor sharhida ma’lum qilingan, deya xabar beradi “RBK”.

Agentlikka ko‘ra, mamlakatda o‘tgan oyda neft qazib olish sutkasiga 3,56 million barrelga yetgan. Oxirgi bor bunday ko‘rsatkich Eronda 2011-yil noyabrida, Yevroittifoq tomonidan neft embargosi joriy etilishidan ikki oy avval qayd etilgandi. Neft eksporti ham sanksiyalardan oldingi darajaga chiqib, sutkasiga 2 million barrelni tashkil etgan.

Aprelda Eron neftining yirik xaridorlari qatoridan Xitoy (sutkasiga 800 ming barrel) va Yevropa (sutkasiga 500 ming barrel) o‘rin olgan.