Буюк Британиянинг 2003 йилда Ироққа ҳужумдаги иштироки ҳақидаги маъруза 6 июль куни чоп этилади. Бу ҳақда мамлакат бош вазири Дэвид Кэмероннинг тергов комиссияси раиси Жон Чилкот билан консультацияларидан сўнг маълум бўлди, деб ёзади «ТАСС».
«Тергов якунлари бўйича маърузани миллий хавфсизлик нуқтаи назаридан текшириш айни пайтда ўз ниҳоясига етди. Маърузани нашрга тайёрлаш учун вақтимиз етарли», — деди Чилкот ҳужжат 2,6 миллионта сўздан иборат эканлигини таъкидлар экан.
НАТОнинг Ироқдаги ҳарбий кампаниясидаги иштироки доирасида Буюк Британия 2003—2009 йилларда 179 нафар аскар ва офицерларини йўқотди. Чилкот комиссиясининг маърузасини чоп қилиш сўнгги йиллар давомида бир неча марта ортга сурилди.
Изоҳ (0)