«Атлетико» Европа Чемпионлар Лигаси финалининг биринчи иштирокчиси

Мадриднинг «Атлетико» клуби Европа Чемпионлар Лигаси ярим финалининг жавоб ўйинида «Бавария»га 1:2 ҳисобида имкониятни бой бериб, финал чиптасини қўлга киритди.

• «Бавария» — «Атлетико Мадрид» 2:1. Матнли онлайн

Бунда «Атлетико»га сафарда урилган гол ёрдам бериб юборди. Ўйиннинг 54-дақиқасида Антуан Гризманн ўз номини таблога ёздириб, испаниялик Хаби Алонсонинг голидан кейин олдинга чиқиб олган мезбонларни қийин аҳволда қолдирди.

74-дақиқага келиб Левандовски «Атлетико» дарвозасига яна битта гол уришга муваффақ бўлди. Бироқ қолган дақиқаларда ҳал қилувчи тўпни киритиш мюнхенлик футболчиларга насиб қилмади.

Қайд этиш керак, беллашувни бошқариб борган туркиялик рефери Жунайт Чақир ҳар икки клуб дарвозасига биттадан пенальти белгилади ва ҳар икки сафар ҳам дарвозабонлар ўзини кўрсатди.

Шу тариқа Мадриднинг «Атлетико» клуби Чемпионлар Лигасининг финалида тўп сурадиган бўлди. Эртага, 4 май куни бўлиб ўтадиган «Реал» — «Манчестер Сити» ўйинидан кейин, иккинчи финалчи номига ойдинлик киритилади.

• «Бавария» плей-оффдаги биринчи мағлубиятини Мадридда «Атлетико»дан қабул қилиб олди

Европа Чемпионлар Лигаси Ярим финал. Жавоб учрашуви 3 май, сешанба

«Бавария» (Германия) — «Атлетико» (Испания) 2:1

Голлар: Хаби Алонсо, 31 (1:0). Антуан Гризманн, 54 (1:1). Роберт Левандовски, 74 (2:1).Ноаниқ пенальтилар: Томас Мюллер, 35 (Б). Фернандо Торрес, 84 (А).«Бавария»: Мануэль Нойер, Франк Рибери, Хави Мартинес, Роберт Левандовски, Дуглас Коста (Кингсли Коман, 73), Хаби Алонсо, Жером Боатенг, Филипп Лам, Артуро Видаль, Томас Мюллер, Давид Алаба.«Атлетико»: Ян Облак, Диего Годин, Филипе Луис, Коке (Стефан Савич, 90+3), Антуан Гризманн (Томас Парти, 82), Фернандо Торрес, Аугусто Фернандес (Янник Карраско, 46), Габи, Сауль, Хуанфран, Хосе Мария Хименес.