Бугун, 3 май куни футбол бўйича Осиё Чемпионлар Лигаси гуруҳ босқичи сўнгги — 6-тур учрашувлари старт олади. Мусобақанинг «C» гуруҳида қатнашаётган Тошкентнинг «Пахтакор» клуби ўз майдонида «Ал-Жазира» (БАА) клубини қабул қилса, «Д» гуруҳи иштирокчиси ҳисобланган Қаршининг «Насаф» жамоаси БААда «Ал-Айн» меҳмони бўлади.
«Пахтакор» ўз майдонида «Ал-Жазира»ни мағлуб эта олса ва, шу билан бирга, «C» гуруҳининг иккинчи учрашувида Эроннинг «Тракторсози» клуби Саудия Арабистонининг «Ал-Ҳилол» жамоасига мағлуб бўлмаса, Тошкент клуби мусобақанинг кейинги босқичига йўлланма олади.
«Насаф»нинг олдидаги вазифа ҳам кўп осон эмас — жамоа кейинги босқичга чиқиши учун нафақат «Ал-Айн»ни мағлуб этиши, балки гуруҳнинг иккинчи учрашувида Саудиянинг «Ал-Аҳли» клуби Қатарнинг «Ал-Жаиш» клубини енга олмаслиги керак.
«Дарё» ҳар иккала учрашув тафсилотларини онлайн кузатиб боради. «Пахтакор» — «Ал-Жазира» учрашуви Тошкент вақти билан соат 19:30 да, «Ал-Айн» — «Насаф» беллашуви эса соат 21:30 да бошланади. «Дарё»нинг ҳар иккала ўйиндан умумий онлайн 19:00 да бошланади.
Изоҳ (0)