“Atletiko” Yevropa Chempionlar Ligasi finalining birinchi ishtirokchisi

Madridning “Atletiko” klubi Yevropa Chempionlar Ligasi yarim finalining javob o‘yinida “Bavariya”ga 1:2 hisobida imkoniyatni boy berib, final chiptasini qo‘lga kiritdi.

• “Bavariya” — “Atletiko Madrid” 2:1. Matnli onlayn

Bunda “Atletiko”ga safarda urilgan gol yordam berib yubordi. O‘yinning 54-daqiqasida Antuan Grizmann o‘z nomini tabloga yozdirib, ispaniyalik Xabi Alonsoning golidan keyin oldinga chiqib olgan mezbonlarni qiyin ahvolda qoldirdi.

74-daqiqaga kelib Levandovski “Atletiko” darvozasiga yana bitta gol urishga muvaffaq bo‘ldi. Biroq qolgan daqiqalarda hal qiluvchi to‘pni kiritish myunxenlik futbolchilarga nasib qilmadi.

Qayd etish kerak, bellashuvni boshqarib borgan turkiyalik referi Junayt Chaqir har ikki klub darvozasiga bittadan penalti belgiladi va har ikki safar ham darvozabonlar o‘zini ko‘rsatdi.

Shu tariqa Madridning “Atletiko” klubi Chempionlar Ligasining finalida to‘p suradigan bo‘ldi. Ertaga, 4-may kuni bo‘lib o‘tadigan “Real” — “Manchester Siti” o‘yinidan keyin, ikkinchi finalchi nomiga oydinlik kiritiladi.

• “Bavariya” pley-offdagi birinchi mag‘lubiyatini Madridda “Atletiko”dan qabul qilib oldi

Yevropa Chempionlar Ligasi Yarim final. Javob uchrashuvi 3-may, seshanba

“Bavariya” (Germaniya) — “Atletiko” (Ispaniya) 2:1

Gollar: Xabi Alonso, 31 (1:0). Antuan Grizmann, 54 (1:1). Robert Levandovski, 74 (2:1).Noaniq penaltilar: Tomas Myuller, 35 (B). Fernando Torres, 84 (A).“Bavariya”: Manuel Noyer, Frank Riberi, Xavi Martines, Robert Levandovski, Duglas Kosta (Kingsli Koman, 73), Xabi Alonso, Jerom Boateng, Filipp Lam, Arturo Vidal, Tomas Myuller, David Alaba.“Atletiko”: Yan Oblak, Diyego Godin, Filipe Luis, Koke (Stefan Savich, 90+3), Antuan Grizmann (Tomas Parti, 82), Fernando Torres, Augusto Fernandes (Yannik Karrasko, 46), Gabi, Saul, Xuanfran, Xose Mariya Ximenes.