Эфиопия Россия билан ўзининг 160 миллион доллар миқдоридаги қарзидан кечилиши тўғрисида келишиб олди. Бу ҳақда Эфиопия ташқи ишлар вазири Тедрос Адханом маълум қилди, дея хабар беради «Интерфакс».
«Шу ҳафтада Москвада бўлиб ўтган Россия ташқи ишлар вазири Сергей Лавров билан музокаралар чоғида 160 миллион доллар қарздан кечиш ҳақида келишувга эришилди. Биз бу маблағлар ‘Қарзлар эвазига ривожланиш’ дастури доирасида Эфиопияда Россия компаниялари иштирокидаги лойиҳаларни молиялаштиришда ишлатилиши хусусида бир тўхтамга келдик», — дея таъкидлаган Адханом.
Вазирнинг билдиришича, мазкур келишувни амалга ошириш учун Аддис-Абеба Москвага қарз маблағларидан фойдаланиш бўйича аниқ таклифлар тақдим этиши лозим.
Изоҳ (0)