АҚШнинг Алабама штатида яшовчи Трейси Дав исмли аёл сўнгги ўн йил давомида Чарли лақабли курцхаар (калта юнгли немис пойнтери) зотига мансуб севимли кучуги бутунлай йўқолгани ва, эҳтимол, нобуд бўлганига ишончи комил эди, деб ёзади «Интерфакс». Бироқ унга яқинда штатнинг Брютон шаҳридаги ветеринар клиникадан қўнғироқ қилиб, ити топилганини маълум қилишди.
Бу айнан Чарли эканлигини аниқлашга унга болалигидаёқ имплантация қилинган чип ёрдам берди.
Каллмэн округидаги ўз уйидан 400 км узоқликда топилган ит сўнгги ўн йилни қаерда ўтказганини ҳеч ким билмайди.
Ғариб итни биринчи бўлиб кўнгиллилар кўриб қолган, у черков зинасида ётган эди. Улар Чарлини клиникага элтди, ветеринар эса чипни аниқлади.
Итнинг эгаси ўн йил аввал кучугини ўғирлаб кетган бўлишларини истисно қилмаяпти, чунки курцхаар анча қимматбаҳо ов итидир.
Изоҳ (0)