Ядровий тадқиқотлар бўйича Европа ташкилоти (ЯТЕТ)даги Катта адрон коллайдерида, сувсар трансформаторлардан бирини «татиб кўргач», электр токи узилди, деб ёзади TJournal.
Ташкилот ҳисоботида электр токи узилишига сувсар сабабчи бўлгани, у 66 киловольтли трансформаторда қисқа туташувни юзага келтиргани айтилади.
ЯТЕТ матбуот хизматидагилар туташувга кичик жонивор сабаб бўлганини тасдиқлади. Коллайдернинг ишлаш қобилияти бир неча сутка ичида қайта тикланиши мумкинлигини маълум қилишди.
Шуниси қизиқки, ташкилот ҳисоботида юқори кучланишли симларни чайнаб кўришга жасорат этган жонивор «сувсар ёки сассиқкузан» дея икки хил номланган.
Катта адрон коллайдери — зарядланган зарраларни тезлатувчи мажмуа. У Франция ва Швейцария чегарасида, ер сатҳидан 175 метр пастда жойлашган. Айлана шаклида қурилган туннел узунлиги 27 км. У дунёдаги энг катта ва қувватли заррача тезлаткичидир. КАКдаги экспериментлар 2013 йил февралида тўхтатилган, коллайдернинг ўзи эса уч йиллик фаол ишлашдан сўнг режа бўйича таъмирлаш учун ёпилган эди. 2015 йил апрелида эса КАК қайтадан ишга туширилди.
Изоҳ (0)