Лондоннинг меҳмонхона бизнеси терактлар хавфи, Буюк Британиянинг Евроиттифоқдаги келажаги мавҳумлиги, жаҳон иқтисодиётидаги муаммолар ва бошқа қатор омиллар хорижий сайёҳлар ва бизнесменларни чўчитаётганини туфайли қийинчиликларни бошдан кечирмоқда. Бу ҳақда Bloomberg манбаларига таяниб, «Интерфакс» маълум қилди.
Юзага келган вазиятдан энг кўп «люкс» тоифасидаги меҳмонхоналар жабр кўрмоқда, чунки бадавлат сайёҳлар ва корпоратив мижозлар сиёсий ларзаларга дарров муносабат билдиради. Шунингдек, экспертлар бундай меҳмонхоналар таклифи талабдан ошиқ бўлаётганини таъкидламоқда.
STR компанияси маълумотларига кўра, биринчи чоракда Лондоннинг энг қиммат отеллари атиги 65 фоизга тўлган, бу эса охирги етти йил мобайнида йилнинг энг ёмон бошланиши эканлиги қайд этилмоқда. Меҳмонхоналар тўлмаётгани туфайли ўз-ўзидан уларнинг тушуми ҳам камайиб кетмоқда, бироқ нархлар пасаймаган: компаниялар тарифларни камайтиришдан кўра, зарар кўришни афзал билмоқда.
Изоҳ (0)