Сурия шимолидаги Алеппо шаҳрида кетма-кет авиазарбалар ва ўқ ёғдиришлар натижаси бир кеча-кундуздан камроқ вақт ичида 60 дан ортиқ киши ҳалок бўлди, дея хабар бермоқда «Интерфакс» кузатувчилар ва активистларга таяниб.
Шулардан 27 нафари «Чегара билмас шифокорлар» ташкилоти ва Халқаро Қизил Хоч Қўмитаси кўмагида фаолият олиб борадиган касалхонада нобуд бўлган. Алеппонинг исёнчилар назорати остидаги қисмида жойлашган касалхонага ёндош уйлар ҳам зарар кўрган.
БМТнинг Сурия бўйича махсус элчиси Стаффан де Мистура 28 апрель, пайшанба куни АҚШ ва Россияга мурожаат қилиб, тинчлик бўйича музокараларни қайта бошлашда ёрдам беришга ва мамлакатда ўт очишни тўхтатиш режимини қўллаб-қувватлашга чақирди.
Изоҳ (0)