Корея Республикасида Зика безгаги билан касалланишнинг иккинчи ҳолати қайд этилди. Бу ҳақда «ТАСС» хабар беради.
Корея касалликларни назорат қилиш ва олдини олиш марказининг маълум қилишича, бемор 20 ёшли эркак бўлиб, у Филиппинга сафаридан сўнг апрель ойи ўртасида Жанубий Кореяга қайтган. Бу ерда у гриппга ўхшаш аломатлар билан шифохонага мурожаат қилган.
Лаборатория таҳлили натижалари хасталлик Зика вируси туфайли юзага келганлигини кўрсатган. Ҳозирги пайтда бемор уй карантинида сақланмоқда, бироқ яқин вақт ичида шифохонага ўтказилиши мумкин.
Шу тариқа Жанубий Кореяда Зика безгагига чалинган беморлар сони икки кишига етган. Март ойида ушбу ташхис 43 ёшли эркакда аниқланган эди.
Изоҳ (0)