Санкт-Петербургга чиптасиз учиб келган 11 ёшли москвалик мактаб ўқувчиси учун маҳаллий полиция ходимлари қайтиш чиптасини харид қилади. Бу ҳақда Россия ИИВ расмий вакили Ирина Волк маълум қилди, дея хабар беради «РБК».
«Россия ИИВнинг Санкт-Петербург ва Ленинград вилояти бўйича бош бошқармаси раҳбарияти ва шахсий таркиби қизалоққа авиачипта сотиб олиш харажатларини зиммасига олади. Москвага уни вояга етмаган ҳуқуқбузарларни вақтинча жойлаштириш маркази бошлиғининг ўринбосари олиб боради ва ота-онасига топширади», — дея таъкидлаган Волк.
Эслатиб ўтамиз, олдинроқ қизнинг онаси авиакомпания ва аэропортдан товон талаб қилиш ниятида эканлиги билдирилганди.
Изоҳ (0)